Vil du studere i Irland?

Forfattarar som James Joyce, Samuel Beckett og Oscar Wilde er alle fødde på den grøne øya – Eire, som ho heiter på irsk-gælisk. Landet har også sterke tradisjonar innan musikk, noko ikkje minst supergruppa U2 er eit levande eksempel på. Irland er også kjent for den leskande drikken Guinness. Ei rivande økonomisk utvikling dei siste åra gjer hovudstaden Dublin til ein moderne storby med gamaldags sjarm, og denne miksen gjer også landet til eit spennande alternativ som studiestad. I tillegg til dei sju statlege universiteta finst der ei rekkje teknologiske institutt av høg kvalitet, spreidd rundt i heile landet. Du kan lese meir om å studere i Irland her.