SIU
Senter for internasjonalisering av utdanning (SIU) er eit forvaltningsorgan med eige styre under Kunnskapsdepartementet (KD). SIU held til i Bergen og har omlag 60 faste tilsette.
SIU er eit kompetansesenter - eit sørvis- og samarbeidsorgan som skal fremje internasjonalisering, kulturell kommunikasjon og internasjonal mobilitet innan høgare utdanning. Senteret har ei viktig oppgåve i å samordne tiltak på nasjonalt nivå, i samsvar med offisielle retningsliner for politikken på feltet.
SIU er Noregs kontor for internasjonale program og tiltak innanfor høgare utdanning. Senteret forvaltar program for fleire offentlege oppdragsgjevarar, samt program mot andre utdanningsnivå enn universitet og høgskule.
SIU har ansvar for å profilere Noreg som utdanningsnasjon og arbeidsland for forskarar, samt drive informasjonsarbeid, rådgjeving og utgreiing.
SIU er finansiert gjennom bidrag frå:
- Kunnskapsdepartementet (KD)
- Utanriksdepartementet (UD)
- Norad
- Nordisk Ministerråd
- EU-kommisjonen
- Utdanningsdirektoratet
Grøn stat
Som ei statleg verksemd er SIU ein del av prosjektet Grøn stat og rapporterer oppfølging til Kunnskapsdepartementet.
Les meir om miljøleiing og miljøtiltak på Grøn Stat sine nettsider: www.gronnstat.no
Etikk
SIU følger Statens etiske retningslinjer for statstjenesten
